WILLEMSTAD.- Despues di un aña eksitoso kaminda Miss Curaçao Teenager 2018 Ceannah Thokaai a keda koroná komo e di 15 reina di IBFF, nos ta buskando e siguiente hóben ku lo tin ku sigui ehersé e bunita trabou di Ceannah Thokaai.
Manera semper e focus ta riba e parti di edukashon komo di beyesa. Miss Curaçao Teenager ta pèrkurá pa prepará un skema kargá ku lèsnan importante i alkaso ku e meta pa forma damanan fuerte pa nos komunidat.
Bo ta un hóben disipliná, dinámiko, ku gana di siña entre 13 pa 17 aña di edat i kier ta e siguiente Miss Curaçao Teenager i asina eksperensiá un temporada úniko ku sigur lo keda marká den bo bida? Tuma kontakto ku IBFF awor pa traha bo sita.
