WILLEMSTAD.- Djadumingu, 26 di mart último a tuma lugá den ouditorio di WTC un anochi di beyesa kaminda ‘Curaçao International Crowned Queens’ a presentá ‘It’s time to glow’, un show espektakular pa pueblo di Kòrsou.
Un anochi kargá ku kreatividat beyesa i glamur dirigí pa Gionel Virginie direktor di CICQ i su produktor, Rachied Pietersz kaminda D ‘ART huntu ku nos reinanan aktual, Kimberly Acosta, Da-Xia’N Phelipa, Gilyen Martha i Suenthely Henriette a entretené e públiko durante hinter e show ku koreografia di Ivan Felipa i Sorvi Bonefacia.
Maestronan di seremonia pa e anochi tabata Carlton Jansen, Ingelor Keller i nos miss Supranational Curaçao, Andreina de Andrade Perreira.
Nos 8 kandidatanan a kompetí pa diferente título i a keda premia dje siguiente forma:
Best Body & Most Beautiful Hair: Svenja Rosalina; Most Beautiful Smile: Tayshena Looman; Most Beautiful Face: Analisha Pinto; Most Beautiful Skin: Chantal de Goveia Martins i Most Beautiful Legs: Rionah Epistola.
Beyesa Integral
Un dama ku tin un bunitesa integral, ta un dama ku ta konsiente ku beyesa ta muchu mas ku e aspekto estétiko, ku ta transformá i hasi esaki visibel den su akshon i komunikashon. E ganadó a resultá: Ambar Ursulita Tovar, Teen Integral Beauty .