Miss Universe Curaçao a sali pa México

WILLEMSTAD.- Ayera Miss Universe Curaçao 2024, Kimberly de Boer a sali pa México, kaminda e lo bai kompetí pa e título di e beyesa máksimo di universo. E di 73 sertámen di Miss Universo 2024 lo tuma lugá na México City dia 16 di novèmber próksimo. Riba foto por mira momentu ku Kimberly de Boer a keda risibí pa minister Charles Cooper na aeropuerto promé di subi avion. Tambe el a risibí nos bandera na man di minister Cooper. Esaki a tuma lugá den kompania di su famia i e organisashon di Curaçao Beauty Pageant Committee. For di aki nos ta deseá Kimberly de Boer tur klase di éksito.