WILLEMSTAD.- Dia 10 di sèptèmber awor tin e sertámen di ‘Mister World Wide Curaçao’ na International School.
Durante dje evento aki e partisipantenan lo mester presentá un trahe resiklá kaminda artistanan lokal di nòmber lo konfekshoná esakinan. Pa promé biaha aki na Kòrsou lo bo tin chèns di mira kiko nos artistanan lokal por ehersé ku artefaktonan ku por wòrdu resiklá.
E partisipantenan huntu ku nan artista no tin mag di usa tela pa krea e bistí na kurpa. Nan tin mag di usa tur artefakto pa krea un trahe pa e partisipante lusi den dje.
E presentashon aki pa kada partisipante ta un evento disiplinario i kreativo. Karchinan ta optenibel serka partisipantenan i na Mensing’s Caminada. Pa mas informashon dje evento bishita e página di facebook di ‘Mister World Wide Curaçao 2017’ òf yama 675-4186.
