BERLIN, ALEMANIA, AFP.- Mitar di e pueblo aleman a haña por lo ménos un promé inyekshon di e vakuna kontra COVID-19, segun indikashon di e minister di salú, Jens Spahn.
“E kampaña di vakuna ta kanando bon”, asina el a bisa den un rueda di prensa.
Kasi seis luna despues ku e kampaña di vakunashon a kuminsá, 29,6% di e poblashon ta kompletamente vakuná, kual ta un terser parti di e 82 mion habitantenan den e pais, segun indikashon di e minister.
Alemania a registrá 1.076 kaso di infekshon nobo segun Instituto Robert-Koch di Vigilansia di Salú (RKI). Desde komienso di e pandemia 90.270 persona a muri komo kousa di COVID-19 den Alemania.
