NEW YORK, MERKA, AFP.- E direktor ehekutivo di Moderna a defendé e kompania su plan pa subi preis di e vakuna te na 130 dòler pa dósis, na momentu ku e reserva di gobièrnu kaba.
E senador demókrata Bernie Sanders a kritiká e oumento di preis i a kritiká e “nivel sin presedente di kudishi korporativo den e industria di farmaseutiko.
Te ainda Moderna a kobra entre 15 i 26 dòler pa su dósisnan di vakuna, segun Kaiser Family Foundation.
E gobièrnu di Merka a supsidiá e investigashon di Moderna na komienso di e pandemia ku 1,7 miar dòler i despues a kuminsá 10 mion vakuna, segun indikashon di Sanders den Senado kaminda e direktor ehekutivo di e kompania, Stephane Bancel, a testiguá.
Sander a bisa ku Moderna ke subi e preis di su vakuna miéntras ku esaki ta kosta solamente 3 dòler pa manufaktura.
Bancel a defendé Moderna bisando ku e sistema di distribushon lo kambia kompletamente na momentu ku gobièrnu di Merka kita e estado di emergensia di salubridat.
E kompania ta pronostiká un redukshon di 90% den demanda pa e vakuna.
