NEW YORK, MERKA, AFP.- E empresa merikano di bioteknologia Moderna, a lansa un demanda kontra Pfizer i BioNTech, akusando ku nan a infringí patèntnan ku e teknologia esensial esensial pa su vakuna di mRNA kontra covid-19.
“Moderna ta konvensí ku e vakuna Comirnaty di Pfizer i BioNTech ta infringí patèntnan presentá pa Moderna entre 2010 i 2016, ku ta kubri e teknologia fundamental di mRNA di Moderna”, segun indikashon di e kompania den un komunikado.
Pfizer i BioNTech ta na altura di e demanda, segun indikashon di e empresanan. Ambos pais a publiká un komunikado kaminda nan ta ninga ku nan a kometé un infrakshon.
BioNTech a enfatisá ku su trabou ta original i ku e empresa ta “respetá derechonan di propiedat intelektual”. Moderna i Pfizer/BioNTech ta e promé empresanan den e sektor ku a fabriká vakuna kontra covid, djis un ratu despues ku e pandemia a kuminsá, danki na e teknologia di mRNA.
Tantu BioNTech komo Pfizer a enfatisá ku nan a keda “sorprendé” ku e inisiativa di Moderna mirando ku e vakuna “ta basá riba teknologia di mRNA di patènt pa BioNTech i tambe Pfizer”.
