WILLEMSTAD.- Den kurason di Willemstad, djis pega ku Megapier, tin un restorant ku hopi hende lokal ta deskribí ainda komo un di e pèrlanan skondí di nos siudat. Mondi City Beach, fundá pa Master Chef Justin Niessen a profilá i gana fama, for di su apertura mas o ménos un aña pasá. E ta bon konosí pa su fushon di gastronomia karibense kombiná ku un ambiente vibrante, spesialmente ku bahada di solo.
Miéntras ku mayoria wéspet ta yega Mondi pa gosa di e pisina di mas grandi di Kòrsou òf e playa chikitu, pega ku parke di Palu di Mangel (Mangrove), e sitio ta vibra den oranan di anochi. Segun temperatura ta baha i lusnan sende, Mondi City Beach ta keda transformá den un destinashon sublime pa bo sena, unda amigunan ta bini huntu pa dal cocktails, gosa di músika i platonan karibense sukulento. E kushina ta e punto prinsipal di e eksperensia. E menú di Chef Niessen ta ofresé sabornan tradishonal di Karibe kombiná ku kreatividat moderno, loke ta resultá den kumindanan ku un sabor intenso. Kkuminda di kas ku ta brinda un satisfakshon emoshonal.
Durante di nos bishita, un plato a sobresalí i esei tabata e “Spicy Stoba Pasta”. E ta bini di un inspirashon for di e stobá tradishonal di Kòrsou ku su sabor ekskisito. Kushiná na stof abou pa krea profundidat i kombiná ku e kalor di pasta i asina ta krea algu konosí ounke sorprendentemente úniko. Ta e tipo di kuminda ku ta pone hende kuminsá plania su siguiente bishita na Mondi mesora. Den e último aña, Mondi City Beach a bira un lugá masha popular pa selebrashon, dianan di fiesta i anochinan di ambiente. For di drink na bahada di solo te na sena kompleto ku amigunan.
Habrí tur dia for di 10’or di mainta te 10’or di anochi, Mondi City Beach por parse un tiki skondí ora ku bo bishit’é pa promé biaha, situá un poko mas aya di Curaçao Mangrove Park. Pero un biaha ku bo deskubrí e lugá, hopi lihé e ta bira un sitio kaminda tur hende ke bishita atrobe.
