WILLEMSTAD.- Den aña 2019, na e históriko sala di baile di The College Hotel na Amsterdam, a haña bida nobo komo e lugá di nasementu di Mondi. Tras di e transformashon oudas aki, tabatin dos vishonario ku un soño kompartí: Mariska Nunes, un Direktora di Desaroyo di Sürnam ku un pashon sin limitashon pa kultura i sabor, i Justin Niessen, un Masterchef di Kòrsou ku su talento kulinario ya tabata konosí mundialmente. Huntu, nan tabatin e kurashi pa re-definí e kushina karibense.
Mariska a soña di Mondi mas ku un restorant. El a desea pa e ta skapatorio elegante kaminda e sabornan di Karibe ta balia riba bo tayó i ku estilo. Justin, ku su maestria kulinario, a realisá e vishon aki, kombinando e sabornan vibrante i oudas di e region ku un toke sofistiká.
E mishon
Pa elevá e kushina Karibense mas aya di un trùk di pan i kuminda informal nan kier a demostrá un lugá entre e mihó eksperensianan gastronómiko mundial.
Den 2021, Kiana, un habitante di Kòrsou ku un amor profundo pa su isla, a uni ku e ekipo komo Direktora di Merkadeo i Marka. Ku su abilidat digital, kreatividat i un ret di kontakto fuerte, Kiana a yuda pusha Mondi komo un nòmber familiar na Hulanda. Su konekshon ku su raisnan i su pashon pa konta kuentanan, a trese un energia fresku pa e marka, loke a fasilitá su ekspanshon na dos otro lokashon i a hasi sólido su reputashon komo un sentro kulinario i kultural.
“Mondi su kurason semper a bati pa Korsou,” Justin ta reflekshoná. “Mi a krese biba tras di un ‘mondi’ – naturalesa vírgen. E konekshon bruto ku naturalesa, su bunitesa i simplisidat, ta loke ta inspirá mi te awe. Esaki mes nos ta trata di kapturá den kada pida kuminda ku nos ta kreá.”
Despues di sinku aña eksitoso na Hulanda, el a sinti ku Mondi mester a regresá na su rais bèk. E luna di Desèmber aki, e Mondi Beach Club Curaçao lo habri su porta na Otrobanda, i asina marka un kapítulo nobo den nan biahe empresarial. Situá serka di laman, e beach club lo ofresé bista espektakular, un pisina mágiko infinito i un restorant Karibense ekskisito, dirigí pa Justin mes.
“Bolbe kas na Kòrsou ta un soño,” Kiana a konta. “Esaki no ta simplemente un otro restorant pa nos; esaki ta un selebrashon di tur loke nos isla ta representá. Nos ta emoshoná pa kompartí esaki ku mundu.”
E Beach Club tambe lo tin evento musikal bibu, ofresiendo un plataforma pa artista lokal i regional demostrá nan talento. E festividatnan di apertura lo inkluí presentashonnan eksklusivo pa legendarionan lokal, preparando e ambiente pa loke ta primintí di ta un hub vibrante di kultura.
Mariska, awor Direktora General di Mondi, ta reflekshoná riba nan biahe: “Mondi semper ta tokante reuní hende. E ta tokante konekshon, selebrashon, i mustra mundu enifikashon real di hospitalidat Karibense.”
Ku Mondi ta bolbe na e isla ku a inspirá su kreashon, Kòrsou ta duna nan un bon biní ku brasa habrí. Mondi Beach Club Curaçao ta mas ku un restorant; esaki ta un tributo na herensia, un regreso kas, i un promesa di momentunan inolvidabel ku ta bini.
