MOSCOW, AP.- E presidente Boliviano Evo Morales a bishita Moscow pa papia ku su kolega ruso Vladimir Putin tokante e forma kon nan mester amplia nan vínkulonan finansiero.
Putin a elogiá e “koperashon stratégiko” entre ámbos pais, inkluyendo e invershon ruso riba kamponan di gas natural na Bolivia i un proyekto pa konstruí un reaktor nuklear di investigashon den e pais.
Putin a bisa ku e empresanan ruso ta konsiderando pa hasi un invershon den vários mina na Bolivia i ta planiando pa partisipá den rekonstrukshon di aeropuerto di Santa Cruz.
Ámbos presidente a nota ku nan tin posturanan paresido riba temanan internashonal i a pone énfasis riba e echo ku nan por akordá riba temanan di soberania, inkluyendo e paisnan su oposishon kontra sanshonnan unilateral.
Morales a elogiá Putin pa enkabesá e labor mundial pa “protehá tur òrdu internashonal, oponé kontra uso di forsa den asuntunan internashonal i evitá un intervenshon den asuntunan interno di otro pais”.
