WILLEMSTAD.- Dos ora largu ku e hitnan dushi di e gran Nildo Martis, ‘Mr.Honing’, ta loke lo zona den ‘Morgan Mainta!’ riba 94.5 FM.
Despues ku e tristu notisia a drenta, djadumingu último, ku e gran kantante i kompositor, Nildo Martis a fayesé na Ulanda, ta hopi rekuerdo a bin ariba.Pa rekonosé i duna un homenahe musikal na Nildo Martis, e popular lokutor, Morgan Isenia, a prepará un spesial ku vários hit dushi di ‘Mr.Honing’.
Awe mainta, for di 6:30am riba 94.5 FM den e programa ‘Morgan Mainta!’ por skucha e Tumbanan di Nildo, pero tambe su Merenguenan na Papiamentu i su Montuno i Salsanan ku a dal masha duru mes. Nildo su kansionnan semper tabatin un toke chistoso ku a sa di haña gran aseptashon den pueblo.
Pues djárason mainta tempran, pone radio na 94.5 FM i disfrutá di un tremendo spesial, dediká na e gran Nildo Martis.
