CAIRO (AP).- E islamita Mohammed Morsi a primintí un ‘Egipto nobo’ i apoyo stabil na e poderoso Ehérsito ora el a huramentá djasabra pa sigui Hosni Mubarak, kende a wòrdu tumbá 16 luna pasá.
Despues, el a bisa den un diskurso ku su gobièrnu lo apoyá e ‘derechinan legítimo’ di e palestinonan i lo sigui kumpli ku e tratadonan internashonal.
Den un seremonia solèm di inougurashon dilanti di Korte Konstitushonal Supremo, Morsi a konvertí tambe den e promé presidente islamita elegí libremente den mundu arabiriedisinkulider di estado na Egipto for di despues ku a tumba e monarkia mas o ménos 60 aña pasá.
Despues el a tene su diskurso di inougurashon den un sala gigantesko di Universidat di Cairo ku míles di persona, inkluyendo miembronan di parlamento dominá pa islamitanan ku ehérsito a disolvé na kuminsamentu di yüni.
Di algun manera tambe el a pidi ehérsito pa entregá tur e podernan na e gobièrnu elegí.
