TEGUCIGALPA, HONDURAS.- Un tiroteo entre marinonan hondureño i tripulantenan di un lancha ku tabata transportá droga den laman Karibe a laga un morto i dos herido.
Un boto di patruya di Forsa Naval hondureño a interseptá un lancha ku tres venezolano i dos hondureño serka dje isla turístiko Roatán. E trafikantenan a kuminsá tira i esaki a keda kontestá di parti di marina.
Den e tiroteo, un hondureño a muri i dos persona a resultá heridá. Un di nan di nashonalidat venezolano. E marinonan a resultá ileso, segun komunikado.
Den un sekshon dje boto a bin haña sakunan di droga, di kua e kantidat no a keda determiná te na momento ku a duna e relato.
Outoridatnan di vigilansia tantu aéreo komo marítimo diariamente tin vigilansia den laman Karibe hondureño pa purba na interseptá e trafikantenan ku ta transportá kokaina for di paisnan produktor di Suramérika pa hiba Merka.
