STO. DOMINGO.- E kantidat di morto komo konsekuensia di un eksploshon ku a tuma lugá siman pasá den un aria komersial na Sto. Domingo awor a yega 32, di akuerdo ku outoridatnan. E eksploshon di djaluna siman pasá a manda olanan di shòk den San Cristobal ku ta keda na un 30 kilometer for di e kapital di Sto. Domingo. Un kantidat di 59 hende a keda heridá, miéntras ku tin 12 ku ainda ta den hospital den situashon krítiko den unidatnan pa trata víktimanan di kandela.
