CARACAS (AFP).- Por lo ménos 2.645 persona a muri i 12.666 a resultá heridá pa e dos temblornan ku a sakudí Venezuela dia 24 di yüni, segun e último balansa ofisial publiká ayera tardi.
Mas ku 15.000 persona a pèrdè nan kas i 885 edifisio a resultá afektá, di kua 189 ta kompletamente destruí, di akuerdo ku sifranan ofisial. Spesialmente den e estado di La Guaira, zona sero dje temblor, e daño ta enorme.
Un kantidat di 6.462 persona a keda reskatá na bida. Gobièrnu ainda no a informá di sifra di hendenan pèrdí, pero Nashonnan Uní ta kalkulá ku esaki ta yega te na 50.000.
