MOSCOW, AP.- E kapital ruso Moscow a lanta djaluna ku un karentena ku a forsa su 13 mion abitantenan pa keda den kas. Vários region mas den e pais a sigui e pasonan di Moscow pa para propagashon di e coronavírus nobo.

Te ainda Rusia a wòrdu afektá pa e brote ku 1.836 kaso konfirmá i nuebe morto. sin embargo, e kantidat di persona ku a tèst positivo pa e enfermedat di COVID-19 a oumentá rápidamente den e último dianan ku a pasa i outoridat ta preparando pa si e situashon empeorá.

Putin a deklará ku solamente esnan den sektornan esensial lo traha e siman aki. El a laga outoridat regional na enkargo di e detayenan.

E alkalde di Moscow a duna tur abitante pa keda paden desde djaluna, i pa sali solamente pa emergensianan médiko òf pa hasi kompra. El a agregá ku e siudat lo proveé pasnan spesial pa esnan ku mester sigui traha i supervisá sobra ku vigilansia elektróniko.

Moscow tin sistemanan enorme di kámara di vigilansia ku teknologia pa rekonosé kara, kual outoridat a tèst aña pasa durante protestanan kontra Kremlin pa lokalisá e manifestantenan.

Coronavírus ta kousa síntomanan leve òf moderá manera keintura òf tosamentu. Pero esnan ansiano òf ku enfermedat eksistente por desaroyá síntomanan mas grave manera pulmonia i esaki por resultá mortal.

LAGA UN KOMENTARIO

Please enter your comment!
Please enter your name here