ORANJESTAD.- Djadumingu último, 14 di yüni, pa mas o ménos 5:40 di mainta sentral di polis a keda notifiká di un aksidente dilanti di kas na Sabana Liber, kaminda un bròmer lo tabata embolbí. Mesora a dirigí patruya polisial i ambulans pa e sitio. Na yegada di e promé patruya, a bin topa ku un hende hòmber den un situashon hopi grave.
Informashon kompilá na e sitio a mustra ku probablemente e bròmer lo a bai dal den asera. Ambulans a yega na e sitio i mesora a duna e motosiklista (víktima) maskulino promé asistensia, pa despues a stabilis’e i transport’é ku urgensia pa hospital.
Awe djamars merdia sentral di polis a risibí informashon di hospital ku e situashon di e víktima a bira kritiko. Pa 1:17 pm dòkter a konstatá morto di e víktima Johan Fernando Vasquez Lopez nase na Colombia dia 10 di mart 1993. (33 aña).
E ta bira e di 7 morto den tráfiko pa aña 2026.
