PARIS, AP.- Manifestantenan pertenesiente na e movementu di chaleko hel a sende tayer, sakia tiendanan di luho i konfrontá polis djasabra durante e di 18 siman konsekutivo di protesta kontra presidente Emmanuel Macron.
Polis di Paris a wòrdu sorpresá pa e rapides i gravedat di e disturbionan. Outoridat a purba kontené e manifestantenan ku vários deskarga di gas lakrimógeno i kañon di awa, pero esaki no a duna muchu resultado. E tenshon a kontinuá durante vários ora largu riba Champs Elysees.
E organisadónan di e protestanan kier a kousa káos djasabra, riba dia ku a konmemorá e kuater lunanan di e movementu di chaleko hel, kual a kuminsá riba 17 di novèmber.
