PORT-AU-PRINCE, HAITI, AFP.- Doctors without Borders (MSF) a bisa djaluna ku a sera un hospital den kapital di Port-au-Prince despues di un atake armá den wikènt.
Outoridat no a registrá heridonan despues di e atake kontra e klínika den bario Martissant di Port-au-Prince, manehá pa MSF for di 2006 i ta duna yudansa krítiko na esnan pober.
E área ta kompletamente dominá pa gangnan armá, i Doctors without Borders a bisa ku no por sigui “kuida di e pueblo sin pone empleadonan na peliger”.
A evakuá e fasilidat, i transportá pashèntnan pa otro klínikanan segun indikashon di e grupo den un informe.
“E seguridat di nos personal ta prioridat pasó nos no por sigui kuida di otronan si nos propio empleadonan su bida ta na peliger”, segun Alessandra Giudiceandrea, na kabes di MSF na Haiti. MSF tin 30 aña ta operá den Haiti.
Organisashonnan no gubernamental ta importante pa proveé kuido médiko den Haiti, kaminda gobièrnu ta dediká ménos di 5% di su presupuesto na kuido di salubridat.
