SAN JUAN, PUERTO RICO, AP.- Tres funshonario públiko a keda suspendé di nan kargo despues ku un mucha chikitu di ménos di 2 aña a muri hogá den un kas pa muchanan abusá òf bandoná.
E alkaldesa di San Juan, Carmen Yulin Cruz, a deklará djárason ku e suspenshon ta keda vigente miéntras e investigashon rondó di e morto ta desaroyá.
E menor a hoga djaluna den un pisina di plèstik, ku segun outoridatnan, a keda konstruí sin pèrmit den Casa Cuna di San Juan. Esaki tabata pa aliviá e kalor intenso.
Outoridatnan ta evaluando e posibilidat di presentá kargonan pa negligensia. E departamento di Asuntu Familiar di Puerto Rico ta hasiendo su propio investigashon.
