COLOMBIA, AP.- Un informe di ONU riba e situashon di muchanan afektá pa e konflikto armá na Colombia ta bisa ku apesar di e avansenan importante den e akuerdonan di pas ku gueria, e aktividatnan di e gruponan desmobilisá ta sigui menasa e bienestar di e menornan.
Den e informe ku a keda publiká ayera, e sekretario general Ban Ki-moon a bisa ku rebeldenan a garantisá ku menornan di 18 aña lo keda separá di nan filanan reintegranan den e sosiedat di manera prioritario.
E informe ta sigui bisa ku e intensidat di e konflikto a baha pero loke si ta sigui ta e violashonnan grave kontra muchanan, frekuentemente komo konsekuensia di e enfrentamentunan entre e partidonan den e konflikto, manera e aktividatnan realisá pa gruponan armá postdesmobilisa, relashoná ku e kòntròl di teritorio pa tráfiko di droga, ekstorshon, mineria ilegal, prostitushon i tráfiko di hende.
