MEXICO, MEXICO, AFP.- E fiskal di Estado di Mexico a kita tur akusashon kontra un muhé ku a wòrdu sentensiá na seis aña di prizòn pa mata su violadó, i djamars el a keda apsolbé di tur akusashon.
Roxana Ruiz di 23 aña, a wòrdu kondená siman pasá pa mata e hòmber ku a atak’é seksualmente den munisipio di Nezahualcoyotl, serka di e kapital. E hues enkargá ku e kaso a wòrdu kritiká fuertemente.
Ruiz, kende a keda nuebe luna den prizòn por a sigui su proseso den libertat. El a pidi hustisia pa no skucha argumentonan di famia di e agresor. E famia di e hòmber tin tres dia pa apelá e desishon.
E kaso a kousa un serie di kritiká pa e ròl ku hustisia ta hunga pa ku violensia di género ku a afektá e pais.
