LOS ANGELES (AFP).- Un muhé akusá di a tira ku un rifel riba e kas luhoso di Rihanna de Los Angeles, ku e strea di pòp na kas na e momento ei, a keda detené. Agentenan dje siudat a bisa ku e sospechoso a lòs e tirunan djadumingu riba e mansion, despues di a stashoná su Tesla blanku na e otro banda di kaya den e bario di Beverly Hills.
Imágennan aéreo tumá despues dje atake ta mustra perforashon di bala na un porta dje propiedat ku Rihanna ta kompartí ku e rapper A$AP Rocky i su tres yunan. Departamento di polis di Los Angeles a informá ku Ivanna Lisette Ortiz a keda arestá den un sentro komersial mei ora despues dje insidente.
E hefe polisial Mike Bland a bisa na periodistanan ke atakante a usa un rifel AR-15. Ortiz a keda detené bou di sospecho di intento di asesinato i a imponé un fiansa di mas ku 10 mion dòler.
Rihanna, un dje streanan pòp mas famoso di mundu, no a hasi deklarashon riba e atake.
