WILLEMSTAD.- Polis huntu ku miembronan di Politur a bai na un establesimentu den Punda, pa un muhé ku a kita su paña i keda blo sunú den lugá di e hendenan.
Aparentemente e muhé pa basta ratu tabata hasiendo bastante fèrfelu i esei tabata motibu ku nan a pidié na vários okashon pa sali for di nan lugá.
E muhé no kier a tende i a kuminsá kita paña i keda blo sunú.
E agentenan di Politur ku a pasa i mira e situashon, a haña e muhé kompletamente sunú i tabata basta fuma. Esaki a pone ku nan a pidi asistensia di polis i a logra konvensé e muhé pa bisti su paña. Ora ku polis a presentá e tabatin su pañanan bistí. E agentenan a papia seriamente kuné pa despues nan hink’é den outo i bai bah’é na kas mirando ku e tabata bou di influensia di alkohòl i basta kansá.
