PORTLAND, OREGON, MERKA, AP.- Un muhé di Oregnon a presentá un demanda di 9.2 mion dòler kontra e astro di pop Justin Bieber, alegando ku el a sufri un pèrdida di oido permanentemente den su konsierto na Portland dos aña pasá.

Stacey Wilson Betts, di Wilsonville, a presentá su demanda djarason di e siman aki den e Tribunal Federal di Distrito.

Esaki ta establesé ku e mama di sinku yu a sufri leshon despues ku Bieber a subi un andamio den forma di kurason ku a desplasa riba e públiko.

E demanda ta bisa ku Bieber a pone su atmiradornan “grita fuertemente” dor di move su brasanan i ku e zonidu a pasa e nivelnan sigurá di desibèl.

E andamio a funshoná komo un “ konduktor di zonidu kreando un eksploshon di zonidu ku a daña mi oidonan permanentemente” asina Betts a skibi den e demanda.

Betts, kende a asistí e konsierto ku un di su yu muhé, a presentá un kompensashon monetario pa kubri su gastunan médiko i tambe e doló, sufrimentuiepèrdidadisu kalidat di bida pa e daño na su oreanan aki.

LAGA UN KOMENTARIO

Please enter your comment!
Please enter your name here