LONDON, AP.- Un kapitan kanades a hasi historia ayera ora el a bira e promé ofisial femenino di infanteria ku ta dirigí e seremonia di kambio di guardia di palasio Buckingham na London.
Megan Couto a dirigí su unidat, e di dos batayon, infanteria ligera kanades di prinsesa Patricia, den e seremonia ku kada aña por keda mira pa miónes di turista.
“Solamente mi ta konsentrando den mi trabou i mantené mi humildat”, asina Couto di 24 aña a bisa. “Kualke di mi kompañeronan lo ta totalmente enkantá di ta kapital di guardia di lareina i ami ta sinti mi meskos honrá”.
E unidat a keda invitá pa Gran Bretaña pa konmemorá 150 aniversario di e konfederashon di Canada. E tarea di dirigí un guardia di reina generalmente ta kai pa e divishon doméstiko di ehérsito britániko ku ta parti di e divishon di infanteria, dominá pa hende hòmber.
“Si nos no ta kiboká kapitan Megan Couto di e di dos batayon, infanteria ligera kanades di prensès Patricia ta e promé ofisial femenino di infanteria ku ta realisá e trabou aki”, asina ehérsito ta bisa den un komunikado.
