NEW YORK, AP.- E kampion aktual Miki Sudo a retené su título den divishon femenino di e konkurso Nathan’s Famous, di kome soseishi pa Dia di Independensia, djaluna na Coney Island.
E residente di Las Vegas a kome 38 soseishi i mei ku pan den 10 minüt pa gana e faha ros i e premio di 10.000 dòler, pa e di terser aña konsekutivo.
Sudo, di 30 aña, a kome kuater soseishi i mei mas ku e kampion anterior, Sonya “Black Widow” Thomas, di 48 aña, di Virginia. Thomas tabata kampion di 2011 pa 2014, na momentu ku el a pèrdè kontra Sudo.
Sudo a bisa na ESPN, ku el a prepará mas duru e biaha aki paso e tabatin miedu ku Thomas ta gan’é.
Míles di persona, mayoria ku sombrénan famoso di e konkurso e reuní den e paseo famoso di Coney Island pa mira esaki.
Den e konkurso di hòmber, ‘ Joey ” Jaws” Chestnut ta purba rekuperá su título kontra e kampion aktual Matt “The Megatoad” Stonie. Chestnut a establesé un marka mundial den 2013, na momentu ku el a kome 69 hòdòk den 10 minüt. Su racha di ocho viktoria a kaba aña asa na momentu ku el a pèrdè e Faha Internashonal Mustard Yellow.
