TAMPA, FLORIDA, AP.- Un muhé a mata su mama aksidentalmente, tirando e ku un pistol ku un di su yunan a trese kas, den un suburbio di Tampa, segun outoridatnan di Florida.
Investigadornan di e kondado Hillsborough a informá ku e muhé a kita e arma di e mucha i a deskargá esaki djabièrnè mainta.
Tampa Bay Times a informá ku e muhé a pensa ku e pistol tabata deskargá pero ainda tabatin un bala aden. E arma a tira i mata su mama, Carolyn Wright di 52 aña aksidentalmente.
Wright tabata biba den kas ku su yu i vários menor.
Investigadornan ta bisa ku un di e adolesentenan a drenta pániko i tira e pistol afó, pero agentenan a haña esaki. Polis no sa di unda e mucha a saka e arma aki.
