Shakira Isabel Mebarak Ripoll
LIMA, Perú (AFP).- Outoridatnan peruano a multa un sentro médiko di Lima ku a filtra historia médiko dje strea kolombiano Shakira ku 190.000 dòler.
Shakira a keda hospitalisá ku urgensia pa un situashon abdominal ku a oblig’é na kanselá un di su dos konsiertonan den Lima dia 16 di febrüari.
Den un komunikado, “Superintendencia Nacional de Salud” (SuSalud), organisashon ku ta vigilá e sistema sanitario, a imponé e sanshon despues di un investigashon di sinku luna. Segun e entidat, a klínika e violá e konfidensialidat di datonan médiko dje kantante di 48 aña.
Esei ta trese kuné ku Clínica Delgado-Auna mester paga un multa di den kared’i 190.000 dòler pa a divulgá datonan di salú dje artista kolombiana, Shakira Isabel Mebarak Ripoll, na momento ku e tabata einan komo pashènt.
Segun normanan peruano, divulgá datonan di un pashènt ta un falta hopi serio di derechinan dje persona i komo tal establesimentunan médiko ta obligá pa duna garantia di konfidensialidat i protekshon di historianan klíniko.
E multa máksimo den kaso ku faya ku e lei ta di 1.6 mion sol (400.000 dòler).
E klínika en kuestion mes ya algun luna pasá a duna di konosé di a identifiká i sanshoná “e personanan di kende a proba ku nan ta responsabel” pa a saka e informashon di Shakira.
