WASHINGTON,USA (AFP).- Henry Kissinger, e diplomátiko norteamerikano kende ku su promoshon sin kompleho di poder norteamerikano a trankilisá mundu despues di Segunda Guera Mundial, a muri na edat di 100 aña.
White House a bisa ku e morto di Kissinger ta “un pèrdida enorme”. E ta un figura emblemátiko di diplomasia norteamerikano.
Bosero di White House a trese dilanti ku “e tabata un hòmber ku, sea bo ta di akuerdo kuné òf nò, den Segunda Guera Mundial el a sirbi e pais aki di forma balente i atrobe despues di dékadanan.
“Mi ta kere ku nos tur por ta gradesido pa su tabaku”, segun e bosero di konseho di Seguridat Nashonal, John Kirbyu.
Papiando dje èks-diplomátiko di 100 aña, el a agregá ku “no por nenga ku e tabatin influensia den desishonnan di polítika eksterior durante di dékadanan i sigur tabatin impakto riba e papel di Merka den mundu”.
“E tabata un persona masha generoso ku su sabiduria i su konsehonan. “Masha poko hende por tabata mihó studiante di historia ku Henry Kissinger”, segun e sekretario di estado norteamerikano, Anthony Blinken.
Lidernan for di rònt mundu a reakshoná riba morto di Kissinger, inkluyendo Ministerio di Relashonnan Eksterior di China, presidente ruso Vladimir Putin kende a referí na Kissinger komo “un estadista sabio i vishonario”, meskos tambe presidentenan di Fransia, Reino Uni, Alemania, Israel, Hapon i vários otro.
){kind=link}