Musk ta dupliká su fortuna komo esun mas riku na mundu

NEW YORK (AFP).- E empresario Elon Musk pa di dos aña konsekutivo ta e persona mas riku na mundu despues di a dupliká su patrimonio, ku a superá 830.000 mion dollar, segun e revista Forbes. Musk ta e prinsipal akshonista dje fabrikante di vehíkulonan eléktriko Tesla, tambe akshonista di e empresa aéreo espasial SpaceX, di e ret sosial X i di e kompania di inteligensia artifisial xAI.
Segun Forbes, e fortuna dje empresario den un tiru a subi for di 324.000 mion dollar un aña pasá pa e 839.000 mion aktual. El a bira e promé persona ku a superá 800.000 mion dollar i ta riba kaminda pa bira e promé bionario di mundu.
Musk tin mas ku tripel dje matrimonio dje di dos i di tres persona riba e lista, ku ta e ko-fundadónan di Google Larry Page (257.000 mion) i Sergey Brin (237.000 mion).
Segun Forbes, mundu awor ta konta ku 3.428 multimionario, ku ta 400 mas ku un aña pasá. Entre nan ta akumulá 20.1 bion dollar.
Di su parti, e fundadó di Amazon, Jeff Bezos, ta na di kuater puesto di Forbes ku 224.000 mion dollar, siguí pa e direktor ehekutivo di Meta, Mark Zuckerberg, ku 222.000.
E presidente di Merka, Donald Trump, ta na puesto nr. 645 ku un fortuna kalkulá di 6.500 mion dollar.