SAINT-ETIENNE-DUROUVRAY, FRANSIA, AP.- Musulman i kristiannan a hasi orashon djabièrnè den e moské den e pueblo na Normandia kaminda un pastor a keda asesiná algun dia pasá. Un iman a denunsiá e agresornan.
E asesinonan no ta musulman, “nan no ta parti di e sivilisashon, nan no ta parti di humanidat”. Asina e iman a bisa.
“Boso tin e sivilisashon ekibuká paso boso no ta pertenesé n esaki. Boso tin e humanidat ekibuká pasó boso no ta pertenesé na humanidat”, asina e iman, Abdelatif Hmitou a bisa, kende ta presidente di e asosiashon musulman na Fransia.
El a agregá: “Boso a ekibuká tokante nos, e musulmannan, i nos no ta pordoná boso e kos aki”.
E iman a reiterá su yamada pa tur musulman di Fransia bai iglesia i mustra solidaridat ku e kristiannan na su lugá spiritual.
Mayoria musulman a bini di diferente parti di Fransia pa por partisipá na e evento na memoria di e pastor Jacques Hamel, ku tabatin 8 aña na momentu ku el a keda asesiná pa dos hóben ku a drenta e iglesia i a tuma algun rehen.
E grupo ku yama Estado Islámiko a atribuí na e krímen.
