Ta trata kaso kaminda algun hende muhe a bai na un kas i bati un abitante
ORANJESTAD.- Djabièrnè mainta recherche a detené tres hende muhé. E detenshonnan ta relashoná ku e kaso di agreshon ku a sosodé djarason anochi 3 di yuni 2026, na un kas na Seroe Patrishi i tambe na Ponton.
Departamentu di Jeugd en Zeden Politie (JZP) a tuma e keho i den un tempu relampago por a pone man riba esnan envolvi den e kaso enkuestion. E tres hende muhénan detené ta di fam B. nase na Aruba di 16 aña, fam T. nase Aruba di 17 aña i e otro hende muhe tambe di fam A. di 18 aña di edat.
Kuerpo Polisial Aruba ta manda un mensahe kla i raspá ku NO ta tolerá tipo di aktonan di agreshon, e ta kontra lei i polis lo sigui kombatí esakinan! Pa un mihó bienestar pa komunidat.
Bo a wak algo, sa algo of tin informashon laga bo tip na e TIPLIJN 11141 i ta garantisá 100% ku bo ta keda anónimo.
