Na Kas di Teatro Bulabanda ta; Aktuashon, konektá i ser hende

655

Teatro Bulabanda tin su mes Kas di Teatro den edifisio di ántes Casa Moderna den Punda. Na 2018 a lanta Teatro Bulabanda pasobra pa Albert nan mester bai den bario i tambe nan tabata ke un grupo di teater. E no a logra na prinsipio pero  bai otro banda. Teatro Bulabanda ta para pa bai bario serka pueblo. Awor nan a disidí di lanta un Kas di Teater i einan por krea artistanan nobo. Na lugá di bai serka e pueblo so i krea artistanan nobo.

Deskubrí bo mes

 

Albert a konta ku esun bou di 30 aña i bati na nan porta, porta ta habri promé kos ku nan ke sa kiko e persona tin di bida. E persona ta bai einan pa deskubrí su mes i nan ta pusha e persona ei. Nan ta den drama i teatro i si ke hasi ku rèp, monologá òf diálogo por. Asina ta guia e hende. I no ta pa téknika di skibimentu i aktuashon pero e desaroyo komo hende ta masha importante. Mester siña habilidatnan sosial i kon ta anda ku hende i kon ta wak e mundu rondó. Artistanan ta nutri via di e espasio públiko eifó. Nan ta wak loke ta pasa rondó, sea na kas, den bario, den polítika i esei ta bai drei den e mashin serka nan na Teatro Bula Banda. I nan ta siña e hende kon e ta deskubrí e mundu eifó pasobra kisas e persona ei ta pasa tur dia e mesun lugá pero a wak di bèrdat i e kos ku ta mishi ku bo kon ta hasi kuné. Asina ke yuda eduká e hende i ekspresá su mes via di drama i teater.

 

Tuma bo desishon i karga e responsabilidat

Ofisialmente Kas di Teatro Bulabanda a start na yanüari pero ya kaba nan ta besig tur djasabra i tur hóben ku ta interesá por bai djasabra serka nan. No mester paga nada pero ta partisipá mesora. Nan tin seshonnan spesial pa hóbennan i na final Albert ta tuma kontakto ku mayornan pa sa kon e hóben a pasa i e reakshon ta positivo. I tur esaki ta pa e forma kon nan ta den Teatro Bulabanda. “Akiden no tin herarkia. Mi ta bisa ku nos ta biba den sosiedat kaminda poder i herarkia ta importante pa nos i oprimí nos. Mester keda ketu, bisa si miéntras bo no ke. I esei nos ke kibra akiden. E hóben por bai investigá kiko ke men ora bisa bo mama si i ta mas bien no. Dikon no tribi habri bo boka, pasobra nan ta dal bo?. Si bo habri bo boka eifó ta pasobra tin konsekuensia?’ ta e tipo di preguntanan ei tur artista mester hasi i pone den skochi di pueblo. No bisa pueblo kon e  tin di pensa pero e pueblo ta hañ’é ku batata kayente i tin di disidí”, Albert Schoobaar a bisa. E ta kere ku e hende mester karga responsabilidat pa loke e skohe pe i esei ta siña e hóben pa e ta outokonsiente pa e tuma desishon i karga e responsabilidat pa esaki. Ta kosnan ku nan ta usa riba stage den e mundu eifó. Si e hende ta kere ku tur kos ta bon, anto e tin di karga e responsabilidat. E ta training di aktuashon pero konektá ku e realidat. No por biba manera no tin nada ta pasa. Hopi bia e motibu dikon no ta reakshoná pasobra e hende tin miedu di represaya. I komo pueblo mester enfrent’é. Esei nos yunan meresé, segun Schoobaar. E hende mester ta liber. Albert a bisa ku e tambe ta produkto di e sosiedat aki i a lanta ku mester keda ketu pasobra ta otro ta papia. E tampoko ta liber i perfekto pero huntu nan ta hasié. E ta haña ku si e bisa algu ku no gusta e hende tin di reklam’é. I e ta mustra e hóben ku serka dje no tin represaya pasobra represaya ta un manera pa keda ketu. E hóben mester por siña analisá su pueblo.

 

Albert ke logra ku e kas di Teatro aki pa aweró tin tremendo aktor i artistanan i traha obranan bunita. E hóbennan ku pasa einan mester bai bario pasobra ta p’esei nan a lanta. Miéntras ta trein pa aktor mester duna lès den bario na mucha i hende grandi. E ke pa aweró tin instituto ta bai pafó i duna lès. Gobièrnu no por paga tur dosente di drama ku ta bin di Ulanda i promé ku bai afó mester hasi trabou komunitario. Tin hóben ku no por bira aktor pero tòg a pasa einan i a desaroyá eiden. Aweró kisas bo ta sirbi kualke turista bo por ta orguyoso di bo mes. Si  bo no por papia ulandes tampoko no ta nada pero ta sinti bon manera e ta komo hende promé. Ta esei nan ta bai deskubrí i hasi ku otro einan i tur esaki den kuadro di Nation Building. Albert a bisa ku el a yega na e kos ei diskutiendo ku yen amigu i konosí. Dado momentu nan a disidí di bai purba. El a bisa ku e tin obranan skibí ku e tin di traha teatro pero el a skohe pa krea artista nobo i e yu di Kòrsou nobo ku ta pasa pa su mes. E hóben ku ta bin eiden no ta siña norma i balor pero kiko e ta nifiká pa nan. Ta usa  e kosnan ei pa ‘make up’ pero ei ta duna e kosnan realmente balor bèk. Kas di teatro ta un lugá kaminda e hóben ta bai eksperimentá, eksplorá, kai, lanta bèk i bolbe purba. E no tin konsekuensia i despues ta bai pafó. E hóben tin di bai pafó i bai lesa pa e mucha chikí. Tambe mester traha ku hende grandi. “Ami a bai traha entre otro na Betesda i mi arogansia a siña mi ku mi tin di haña aplouso mesora di e públiko pero eiden pa motibu personal tin hende no por ekspresá nan mes i ta sinta gewon ketu. I abo komo aktor arogante ta sinti ku hende ta reakshoná mesora pero el a sinti ku e hende ta wak. I p’esei si eksponé hóbennan na mucha chikí, hende grandi i bario ta humanisá nan. Nan ta siña ku tin otro tipo di hende i mester tin kompashon i empatia. Ta aktuashon, konektá i ser hende.

 

Ban drecha Casa Moderna

 

Promé ku e edifisio di Casa Moderna a bira Kas  di Teatro tabatin Uniarte eiden segun Albert Schoobaar. E tabata parti di un komunidat di artista. Pero despues nan mester a sali i bai den JArc School i einan nan tabatin nan lugá eiden i a traha e obra Klèsh den Bario. Tambe e pone e hendenan einan partisipá den e obra i ora Casa Moderna a keda para asina nan a bai Punda bèk. E doñonan a duna nan e lugá ei pòrnada pa nan usa. Ta nan manera pa aportá na arte kultura. Pero ta yega un momentu ku nan mester paga hür. Nan ta buskando un manera pa drecha e lugá dor di fèrf, kombatí komehein, pone koriente mas ariba i tambe ke yega na un espasio kaminda e hóben por benta su kurpa riba un sofa. E lo bira di djaluna pa djabièrnè despues di skol i e hóben ta bin einan. E ta haña lès di moveshon, debate, Creative Thinking. Mester duna lès den bario, tin di wak dokumentario i analisá i diskutí i asina elevá e persona su konosementu amplio den mundu pasobra ta asina so e por traha obra bèk. I no ta traha obra pisá so pero un obra di amor tambe por eksplorá. Asina nan tin e espasio aki i ta na nan pa hasi algu bunita. Albert ta spera di por haña spònser pa nan por fèrf, nan ke drecha un baño pe hóben por baña.

 

Albert a splika ku e sa di e realidat ku tin hóben ke yega serka nan pero no por paga bùs i esei tambe nan ke sòru pe. Tin hóben tampoko tin di kome i esei nan ke sòru pe. Ta un trabou huntu nan tin di hasi pa Kòrsou i esei nan ke hasi segun Albert.

 

Mas di 20 aña den teatro

Albert Schoobaar ku e sonrisa di semper a duna nos un idea kuantu tempu e tin den arte. E ke kere ku e promé aña  tabata den lushiklas i tur mucha hòmber mester  a bisti na kabouter i tur mucha muhé na sneeuw witje i siguiente dia el a gaña su mama ku e tin di bai atrobe na kabouter i e tabata e úniko mucha na kabouter e dia ei. El a pasa skol básiko, a bai Mavo i despues a bai Peter Stuyvesant pero no a kab’é. Despues el a bai Ulanda kaminda e tabata den servisio i despues a bai Hogeschool a base di konosementu pero tampoko el a kaba. El a bai biba Bèlgika i mientrastantu e tabata lesa hopi i skibi hopi. E tabata purba traha pelíkula e mes. E ke bisa tur hóben ku si e tabatin di skohe di nobo e lo  kaba e estudio pero esei si skohe otro kaminda mester traha mas duru pero e por si. Loke el a hasi ta traha den gruponan profeshonal na Ulanda i tur dia siñando i hasiendo hopi. Awor e tin mas di 20 aña den e mundu di teatro trahando obra spesial pa skolnan, diskutí ku hóben loke ta masha importante pe.

 

E hóben hipókrita

 

E ta haña ku nos a krea un grupo di hóben hopi hipókrita na Kòrsou, e hóben ku sa kiko e bisa su mayornan pero ta papia di norma, balor, studia, positivo i bandera. Pero ora kita bai di e hóbennan ta papia loke realmente nan ta pensa di e hende grandi di bèrdat. I esei a pone ku Albert a yega na e konklushon ku a krea e hóben hipókrita ku sa kiko bisa ora e ke pa e hende grandi lag’é na pas. I p’esei Kas di Teatro pa e hóben ta su mes, pa e por papia i bisa ku e tin di bira. Meskos ku ora papia di rèspèt, mester puntra di ta trata e hóben ku rèspèt. Ta trata e hóben di segunda kategoria pero ta ferwaktu ku e hóben ta lanta i kanta himno. Ni maske kon mahos e mensahe ku nan duna e hende grandi laga nan bis’é pasobra asina nan ta deskubrí kiko ta rèspèt. Mester tin kurashi pa hasié. Albert a bisa ku e ta lantando un yu di 6 aña  i el a poné deskubrí kuantu e ta e produkto di e lugá aki.

 

Satisfecho

 

Albert a bisa ku e ta kontentu ku e manera i e kaminda ku e ta bayendo den dje. Uniko kos awor ta e hóbennan. E ke algu pa e hóbennan i tur hende ku ta wak i lesa e programa aki pa yuda nan. Mester di fèrf, koriente, baño. No tin mester di sèn pero yuda i sostené e proyekto di Kas di Teatro dor di bai wak e obra. I esun ku kisas aweró no ta di akuerdo kuné ta dor di puntra.

LAGA UN KOMENTARIO

Please enter your comment!
Please enter your name here