WILLEMSTAD – Outoridatnan polisial awe mainta mester a akudí na un kas den e bario di Montaña Rei pa un problema familiar. Aki un problema entre dos ruman mester a eskala i kaba den hinkamentu. Na yegada di vários unidat polisial a tuma nota ku e víktima tabatin un hinka na altura di su skouder. A pidi pa ambulans yega na e sitio i a transportá e víktima pa hospital pa tratamentu avansá. E otro ruman hòmber a keda detené i hiba warda di polis pa interogashon i mas investigashon.
