CARACAS, VENEZUELA, AP.- Outoridatnan elektoral di Venezuela a suspendé djaweps e rekolekta di firmanan previsto pa den fin di òktober ku lo aktivá un referendum pa baha e mandato di presidente Nicolás Maduro, despues di aktua ku un seri di medida diktá pa vários tribunal lokal ku a anulá un rekolekta anterior.
E proseso di rekolekta di un 20 % di manifestashonnan di boluntat ta keda posponé te na un instrukshon hudisial nobo, asina Consejo Nacional Electroral (CNE) a duna di konosé den un komunikado djaweps anochi.
“E poder Elektoral a informá ku nan a keda notifiká pa tribunal di e repúblika, di medidanan kouteloso ku ta ordená un posponementu di kualke akto ku por generá komo konsekuensia di e rekolekshon di 1 % di manifestashonnan di boluntat ku ta rekerí pa duna valides na e organisashon ku finnan polítiko MUD ( la Mesa de la Unidad Democratica)”, ku ta agrupá un trinta partido i organisashon di oposishon, asina a keda informá.
Na e momentonan aki , e sentensia no a keda publiká pa ningun di e tribunalnan.
