WILLEMSTAD.- U.D.A, Union di Artista, a tuma nota dje medidanan ku a keda implementá. U.D.A. ta komprondé e situashon i tambe ta di opinion ku hopi di e medidanan aki ta kousa di e pueblo mes su komportashon. No opstante esaki nan ta preokupá kon lo sigui awor.

‘DEN E BEMBE’ a kombersá ku Argenis Huerta, bosero di U.D.A.

“ E pregunta di mas grandi bou di nos aworakí ta : Kon nos artistanan lo alimentá nan mes i nan famia.Ya pa 8 luna hopi di nan ta “struggle” sin entrada i ta luchando dia pa dia pa pone pan riba mesa.

U.D.A ta sali for di e punto di bista ku ora bin ku medida mester bini ku solushon.U.D.A a fasilitá e departamento (Fondo di Sosten) ku un lista di personanan kual ta biba di músika/arte i ta den nesesidat agudo.

Nos ta spera ku Gobièrnu i tur esnan enkargá tuma e grupo di farándula tambe den konsiderashon i presentá un alternativa rápido pero duradero pa e grupo di farándula i artista aki”, asina Argenis a terminá bisando.

LAGA UN KOMENTARIO

Please enter your comment!
Please enter your name here