Naomi, Faisel i Jomaick ta embahadornan pa Gran Marcha 2019

... Reina di Karnaval 2019: Naomi Bitoria ...

WILLEMSTAD.- Djasabra anochi a tuma lugá e elekshon di Reina, Prens i Pancho Adulto na Kleine werf. E públiko presente por a disfrutá di 8 Reina i 4 Duo Prens i Pancho ku a duna tres presentashon tremendo.

Premiashon Reina
Reina Simpatia a bai pa Tashanara Ines, Reina Dinámiko ta Izygany Schmidt, Reina Popular i Trahe Mas Impaktante ta Jerona Sint Jago, Trahe Mas Kreativo i su propio kreashon a resultá Mariluska Sambo.
Di tres finalista ta Izygany Schmidt, di dos finalista Reina 2019 ta Destiny Bonifacio, komo promé finalista a keda Tashanara Ines i Reina Karnaval 2019 a resultá Naomi Bitoria, ku a bai ku e premio di Mihó Show Karnaval 2019.

Premiashon Prens i Pancho
Premiashon di duonan a bai dje siguiente manera: Prens i Pancho Amistoso, Mihó Show a bai pa Faisel Zimmerman i Jomaick Vlijt, Prens i Pancho Popular a bai pa Aleandro Victor i Shairon Brigitha. Trahe Mas Kreativo i Trahe Mas Impaktante Prens i Pancho a bai pa Bryan Lard i Johnnyson Inecia.
Di tres finalista ta Jordon Anthony i Jamil Domacasse, di dos finalista Duo ta Aleandro Victor i Shairon Brigitha, promé finalista ta Bryan Lard i Johnnyson Inecia. Komo Prens i Pancho Karnaval 2019 a keda korona: Faisel Zimmerman i Jomaick Vlijt.
Pabien na tur e partisipantenan ku sigur a sa di trese un show na  nivel den Curaçao Carnival Village.

SHARE

LEAVE A REPLY