NEW YORK, AP.- Antonio “Tony” Hernandez, ruman di presidente di Honduras, Juan Orlando Hernandez, a reuní ku un eks lider di Kartel di “Loas Cachiros” i a primintí di haña fondo di gobièrnu pa paga un empresa di e kartel usá pa laba plaka a kambio di soborno. Asina e narkotrafikante a testifiká djaweps.
Devis Leonel Rivera Maradiaga, eks lider di kartel “Loas Cachiros”, a realisá e señalamentu durante un oudiensia hudisial den e kaso di Fabio Porfirio Lobo, yu di e eks presidente hondureño Porfirio Lobo Sosa. Fabio a deklará kulpabel aña pasá di asosiashon delitkivo pa trafiká kokaina pa Merka.
Maradiaga a testifiká ku e gobièrnu hondureño tabata debe sèn na Inrimar, un empresa ku tabata sirbi pa laba plaka generá via narkotrafikashon i ku eks presidente Lobo a duna konseho pa krea. Hernandez, mester a risibí plaka di pueblo pa aliviá e debe ku e atministrashon tabatin ku e empresa i a kambio tabata pidi soborno.
