HAMPTON, VIRGINIA, MERKA, AP.- NASA ta simulando un aterisahe di su nave espasial Orion. E biaha aki esaki ta tuma lugá ku pòpchinan di prueba miéntras e ta prepará pa manda humanonan Mars.
Un kápsula lo sali pa un pisina djaweps den un instalashon di Langley di NASA, na Hampton, Virginia. Paden lo tin pòpchinan di prueba ku trahenan espasial, den representashon di un muhé di 48 kilo i un hòmber di 100 kilo.E agensia espasial lo evaluá e efektonan di aterisahe den awa ku diferente velosidat i bou di vários kondishon. Por ehèmpel, un di su parashutnan lo por faya regresando di espasio òf esaki por kai den awanan turbulento.Den 2014, e nave a terminá bon den su promé biahe di prueba sin tripulashon, kayendo den oséano Pasífiko. E programa tin un lansamentu mas sin tripulashon pa 2018. E agensia ta spera ku e Orion ta hiba atronoutanan pa espasio pa aña 2023.
