BERLIN, AP.- E ratifikashon unánime di Michelle Bachelet, komo komishonado haltu di Nashon Uní pa derechi humano djabièrnè a tuma lugá den un diskushon fuerte entre Merka i vários di su atversarionan riba abusu di derechi. Esaki ta un antisipashon di e retonan ku e eks presidente chileno mester enfrentá.
Ku su martin, e presidente di Asamblea General, Miroslav Lajcak a sertifiká e ratifikashon ofisial na e persona elogiá pa sekretario general Antonio Guterres. E diplomátikonan di 193 estado miembro a brinda un ovashon.
E tata di Bachelet a wòrdu enkarselá komo traidor pa oponé kontra un gòlpi ku a destituí e presidente marksista Salvador Allende na 1973. E eks presidente i su mama a wòrdu torturá durante dos siman den un prizòn klandestino promé ku nan a hui. Su tata, Alberto Bachelet a muri debí na un atake di kurason despues di vários luna di tortura.
Algun di e preshonnan ku Bachelet ta enfrentá a bira evidente mesora despues di vários diskurso despues di su ratifikashon.
