NASHON UNI, AP.- Yemen a registrá mas di 460.000 posibel kaso di kólera e aña aki, segun señalnan di Nashon Uni. Esaki ta un oumento fuerte kompará ku 380.000 kaso den 2018.
Farhan Haq, bosero di Nashon Uni a bisa ku tin 705 morto relashoná ku kólera desde yanüari. Esaki ta un oumento fuerte kompará ku 75 morto durante e mesun periodo aki aña pasa.
E infekshonnan a oumentá den e nashon kaminda dor di e inundashonnan repentino resientemente, i mal mantenshon di e sistemanan ku ta manehá residuo i falta di akseso na awa limpi segun Haq.
Nashon Uni i su sosionan ta usando kasi 1.200 instalashon pa trata kólera na Yemen, pero Haq a bisa ku e “finansiamentu ta un problema urgente”.
Nashon Uni a pidi 4.200 mion dòler pa yuda mas di 20 yemenita e aña aki, pero e organisashon a oumentá solamente 32% di esaki.
