NASHON UNI, AP.- E konseho Ekonómiko i Sosial di Nashon Uní a aprobá e akreditashon di Komité pa Protekshon di Periodistanan, loke ta konsedé derechi na promové libertat di prensa den Konseho di Derechonan Humano i otro organismonan di Nashon Uní.
E konseho a aprobá ku 40 voto na fabor i sinku kontra i seis apstenshon di solisitut di CPPJ ku ta konsedé karakter di entidat konsultivo. CPJ a presentá e mesun petishon pa promé biaha den 2012. Rusia, China, Zimbabwe, Vietnam i Ruanda a oponé kontra e resolushon. Tres di 54 miembro di e konseho, konosí komo ECOSOC no a partisipá den e votamentu.
Un komité di 19 miembro di ECOSOC pa organisashonnan no gubernamental, a diferi akshon riba solisitut di CPJ na shete okashon promé ku a rechasá e votashon di 26 di mei.
E embahador merikano Samantha Power a deskribí e proseder di komité pa organisashon no gubernamental komo “indignante” i Merka a disidí pa buska voto den ECOSOC.
