MOSCOW, RUSIA, AFP.- E negosiashonnan pa yega na un akuerdo nuklear ‘New Start’, kual ta ekspirá na komienso di 2021 a bolbe stanka djabièrnè despues ku Merka a rechasá un proposishon di Rusia.

Durante un reunion di su Konseho di Seguridat, e presidente di Rusia Vladimir Putin a proponé pa prolongá e akuerdo aktual sin kondishon durante por lo ménos un aña pa haña espasio pa negoshá un akuerdo nobo.

Ku e proposishon aki, e akuerdo ta keda bálido te ku febrüari 2022. Te ainda no tabatin progreso den e negosiashonnan aktual.

Segun e último informe di Instituto Internashonal di Stockholm pa Investigashon di Pas (SIPRI), Rusia i Merka tin mas di 90% di tur arma nuklear na mundu.

 

LAGA UN KOMENTARIO

Please enter your comment!
Please enter your name here