Ekiponan di reskate na e sitio di un atake israelí serka di un hospital den e siudat libanes, Tyre.
TEHRAN, IRAN, AFP.- E negosiashonnan pa kaba ku e guera den Medio Oriente ta parse di ta na peliger. E agensia iraní Tasnim a informá djaluna ku Iran a suspendé e kmbersashonnan indirekto ku Merka, debí na un atake di Israel na Líbano.
Iran ta akusá Merka di a bolbe kibra e tregua frágil ku a akordá riba 8 di aprel, despues di e atakenan merikano di fin di siman i despues di represayanan iraní.
Segun Tasnim, Iran a disidí pa suspendé e negosiashonnan pa motibu di “krímennan” ku Israel ta sigui kometé na Líbano i pa violashon di e tregua na vários okashon.
Iran a rekordá ayera, atraves di su Ministerio di Eksterior ku un tregua na Líbano ta “un kondishon esensial pa kualke akuerdo”.
E negosiashonnan pa kaba ku e guera, kual a kuminsá riba 28 di febrüari despues di e atake israelí-merikano kontra Iran, tin vários siman stanká.
E situashon a kompliká mas ainda despues ku Iran a bisa ku su programa nuklear no ta forma parti di e fase aki di e kòmbersashonnan. Esaki ta kontradesí ekspektativanan di Donald Trump.
Ehérsito merikano a anunsiá ku a realisá un serie nobo di bombardeo “defensivo” djasabra i djadumingu na sùit di Iran. Esaki tabata e terser operashon di su sorto den mas ku un siman.
Ekiponan di reskate pagando un kandela na e sitio di un atake di Israel serka di un hospital na Tyre
One of the most remarkable things about geometry dash lite is that fast reflexes are not enough to finish the more tough stages. Players also have to learn the structure of the tasks ahead. After several failures, players start to memorize the placement of obstacles, the distance between leaps and the speed changes they need be ready for.