WASHINGTON, AP.- E negosiashonnan komersial entre Merka i China a terminá sin un akuerdo djabièrnè, algun ora despues ku presidente Donald Trump a oumentá impuesto riba importashon chines na balor di 200.000 mion dòler.
Trump a afirmá riba Twitter ku “no ta nesesario pa aselerá” un akuerdo entre e dos ekonomianan mas grandi na mundu i despues a agregá ku e impuesto “por òf no por wòrdu eliminá, dependé di loke sosodé ku e negosiashonnan den futuro”.
Un funshonario di Kas Blanku, kende a papia ku kondishon pa keda anónimo dor ku e no tabata outorisá pa papia públikamente riba e tema, a konfirmá ku e kombersashonnan a terminá, pero ainda no ta sigur ki dia lo kontinuá ku esakinan.
E gobièrnu di Trump a oumentá impuesto di 10% pa 25% riba produktonan chines ku un balor di 200.00 mion dòler. E medida a eskalá e tenshonnan entre Beijing i Washington, i e minister di Komersio di China a hura pa tuma e “kontra
