JERUZALEM (AFP).- E promé minister israelí, Benjamin Netanyahu, a duna di konosé di ta “rechasá ku disgustu” e órden di aresto kontra di su persona solisitá pa un fiskal di Korte Penal Internashonal, na mes momento ku e hues ta hasi esaki kontra di responsabelnan dje movementu islamita palestino Hamas.
“Komo promé minister di Israel, mi ta rechasá ku disgustu e komparashon dje fiskal di Den Haag entre Israel, “un pais demokrátiko” i “e asesinonan di masa di Hamas”, segun el a bisa den un komunikado.
“Kon ta tribi na hasi un komparashon entre e mònsternan di Hamas ku e sòldánan di Tsahal (ehérsito israelí), esun mas moral di mundu?”, el a puntra, husgando ku ta trata di “un biramentu kompleto di realidat”.
“Esaki ta e parti nobo di antisemitismo, pues el a move for di campus di paisnan di Oksidente pa Korte di Den Haag. “Est’un bèrgwensa”, segun e dirigente israelí.
Ayera, e fiskal di di Korte Internashonal Karim Khan a deklará di a solisitá órden di detenshon kontra Netanyahu i kontra su minister di defensa, Yoav Gallant, pa aparente krímennan manera” deliberadamente laga sivilnan muri di hamber”.
Tambe a pidi órden di aresto kontra hefe di Hamas den Gaza, Yahya Sinwar; kontra e hefe di movementu palestino, Ismail Haniyeh, i kontra Mohammed Deif, hefe di brigadanan Al Qasam, brasa armá di Hamas, pa supuesto krímennan kontra di humanidat.
