TEL AVIV (AFP).- Israel lo ataká “personalmente” tur e dirigentenan di Iran, segun a keda primintí ayera di parti dje promé minister israelí, Benjamin Netanyahu, durante di un bishita na un sitio kaminda un misil a kai. “Nos ta bai pa e régimen. Nos ta bai pa Guardia Revolushonario Islamita, e grupo kriminal ei”, segun el a bisa na Arad, den zùit di Israel. “I nos ta bai ataká nan personalmente, nan dirigentenan, nan instalashonnan, nan aktividatnan ekonómiko”, segun Netanyahu a bisa na prensa.
Ademas di Arad, e misilnan iraní tambe a alkansá e siudat di Dimona, kaminda nan ta kere ku tin e depósito nuklear no deklará di Israel. E siudat, situá den e desierto di Neguev, sufri dañonan konsiderabel pa un impakto dirèkt di un misil.
Netanyahu a bishitá e sitio aki tambe i a hasi un yamada riba e residentenan pa sigui instrukshonnan di ehérsito pa refugiá dirèkt ora ku sirena zona.
