NEW MEXICO, AP.- Un kandidato di senado di Merka kende ta fungi komo atministradó di tera di New Mexico a pone bòrchinan riba e frontera ku Mexico i Merka komo ophetivo pa blòkia e operashonnan di e patruya di frontera riba un largura di kilometer i mei di teranan estatal esaki debí na e molèster ku gobièrnu federal no ta kompensá e estado pa e uso di tera.
E komishonado di tera, Aubrey Dunn a bisa na The Associated Press ku si su ofisina no yega na un akuerdo ku e uso di tera ku gobièrnu federal, e lo pone un waya pa blòkia e akseso riba e propiedat aki.
Dunn eligí na 2014 siendo republikano, a anunsiá na kuminsamentu di e aña aki ku e lo postulá su mes pa senado di Merka despues di a bira liber.
Promé Dunn a ekspresá su molèster den un karta mandá luna pasá pa funshonarionan federal. El a argumentá ku ta un tema di soberania estatal i ku e entrada hañá den e desaroyo òf uso di teranan estatal ta yuda finansiá e edukashon públiko estatal.
“Lo mi suspendé e gobièrnu federal meskos ku lo mi hasié ku kualke otro negoshi ku ta invadí e teranan estatal”, asina Dunn a bisa. “E seguridat di frontera ta importante pero tambe nos yunan ta i nan tin derechi na rekolektá e sèn ku a gana di e terenonan ku nan ta poseé”.
E ofisinanan di duana i protekshon di frontera di Merka a bisa ku nan lo evaluá e inkietutnan di Dunn. E agensia a bisa den un deklarashon djamars ku parti di e strategia pa vigilá e frontera ta inkluí desaroyá i apuntá sosiedatnan ku partidonan impliká den e estado i lokalidatnan. No tabatin reportá di ku e operashonnan a keda suspendé djamars despues ku Dunn a pone e bòrchinan i a poné sinta rònt di esaki, asina e agensia a bisa.
