NEW YORK, AP.- E gobernadó di New York, Andrew Cuomo a kuminsá ayera un kampaña den e estado pa yuda Puerto Rico despues di e desaster kousá pa e orkannan resien den Karibe. E funshonario demókrata a anunsiá e inisiativa despues di e bishita ku el a hasi djabièrnè pasa na e teritorio merikano.
Den e inisiativa ta stimulá abitantenan di New York pa nan hasi donashon di artíkulonan ku ta inkluí rekoudashon di fondonan entre e komunidat empresarial pa entrega esaki na organisashonnan na Puerto Rico. Tambe e ke manda yudansa profeshonal di salú di New York pa e isla i apoyá esaki ku remedi i suministránan médiko.
Cuomo a hasi e anunsio kompañá pa e artista Jennifer Lopez. E selebridat ko presidente di Esfuerso di asistensia i rekuperashon Empire State a pidi e hendenan pa apoyá Puerto Rico, Karibe i México ku donashonnan i otro aportenan.
“Mi no tin palabra pa bisa loke ta nifiká pa ami i e pueblo di Puerto Rico mira no solamente e kompromiso di apoyo di New York sino gobernadó Cuomo pasa den e akshon di rekursonan i suministro, asina Lopez a bisa.
